الله يحرق دى مسلسلات
قهر
عذاب
بجد
الرحمه دا شهر الرحمه
مسلسلات رمضان الشهر دا كتيييير اوى
وامى على تصميم تااام تتابعهم كلهم
مما ادى انى بسلم على ليلى علوى وباخد شاى مع يسرا
وبتخانق طول اليوم مع احمد عز
وانا ويحييى الفخرانى ممرمطين بعض فى محاكم مصر كلها
وباكل بالجزمه فى الباطنيه
(طبعا الكلام دا وانا نايمه)
نشكر الرب
ان الموضوع متطورش لالهام شاهين ونبيله عبيد
وصعبنا على ماما وقررت ترحمنا منهم السنه دى ومنتابعهمش
منكرش ان المسلسلات مستواها جيد نوعا ما فى الصوره والقصص وكده
وافضلهم على الاطلاق فى رأىى
متخافوش بتاع نور الشريف
وطبعا هدوء نسبى بتاع نيلى كريم بيحكى عن الحرب فى العراق بس عيبه ان مش متعوديش على اللغه العراقى والمسلسل فعلا التون بتاعه هادى اوى
ف ممكن انام واشخر زى سيد ابو حفيظه فى الطياره وانا بتفرج عليه
بس برضو عمل رائع
وحرب الجواسيس ودا اللى انا مبفوتش دقيقه فيه بصراحه
مسلسل هايل بجد ملف من ملفات المخابرات اياها ايام جمال عبد الناصر
الباقى بقا تفاريح مع ماما
بس مسلسل ليلى علوى يبشر بخير
ويسرا
لا تعليق يعنى مسلسل يسرا
وبرضو طلعت تعملنا الادب الشهر دا زى كل شهر
تحسسك ان المشاهدين كلهم متخلفين بس مستوى التخلف فى تحسن الشهر دا شويه
دا غير برامج الاستظراف اللى هتشل ماى فاملى فرد فرد
بتاعت موجه كوميدىى ونايل كوميدى بجد الرحمه
(..... بس الكابوس سيد ابو حفيظه حلو
مرورا بقناه القاهره والناس اللى كل برامجها واعلانتها مسروقه
(البرنامج الحيله اللى فيه بتاع لميس الحديدى بصراحه هايل)
باقى حاجه
التلفزيون ناقصه اهم حاجه
رمضان
فين رمضان
السنه دى اختفت مظاهر الاحتفال الدينى تماما
شىء غريب
وكانه مش رمضان كانه شهر مسلسلات وبرامج اللطيفه والطبيخ
حتى ساعت الادان
مفيش ادعيه
مفيش صلاه
مفيش
رمضان
انا خايفه السنه الجايه
يلغوا خالص م التلفزيون ومن الدنيا
4:36 AM |
Category: |
0
comments
