عندك حاجه تقولها
خلص رمضان
العيد جه
العيد خلص
يااااااااااااه
بجد الايام كلها شبه بعضها اوى كده

فعلا مفيهاش بركه ولا فرحه
ولا حس
الاكتئاب هو هو
الحزن زىى ما هو
كنت فاكره انى هفرح
او حتى همثل انى بفرح
_______________
نفسى اروح السيرك اوىى
واشوف الوان وتنطيط
وناس بتضحك
طب طب
بلاش السيرك عايزا اروح
امممم
جنينه بيلعب فيها عيال صغيره
اجيب غزل البنات واقعد اتفرج عليهم
مممممم عايزا اشوف صاحب ليا
وميسألنيش عامله ايه
ولا يحكيلى عامل ايه
ممكن بجد حد يقعد معايا يحى معايا بالساعات
وميجبش سيره اى بلوة
ميقوليش الناس بقت زباله اد ايه
والبلد فيها زباله اد ايه
ولا النظام بقا زباله اد ايه
........
والميا بقت ماشيه مع االمجارى ازاى
والاكل فيه سرطان ازاى
ولا هشام طلعت قتل سوزان تميم ازاى
.....
ولا هيحرقوا القش امتى
ولا اسرائيل هتضرب لبنان امتى
ولا الاضراب هيتفك امتى
ولا الدراسه هتبدا امتى
ولا المرض هينتشر امتى
ولا هلاقى شغل امتى
....
معدش عندى طاقه لا اساعد حد ولا نفسى
ومش كل سنه ولا ولا انتو طيبين
مش هنشتغل بعض بقا
ونقول طيبين
زهقت
6:57 PM | Category: | 1 comments